Misa tamaja nome erajawitu naburubuae Trinidad y Tobagoyata, nojo mía kuare, damana tamatika bajinae, ayakara ebui, ama, kobenajoro Lizeta Hernández a ribu sanuka musakanukirarone, dibuya gasolina wabite munuka.
Mojorekutane calle mukorobuae, serviciotuma asira kuare ayakara ebuyaja. Kobenajoro Lizeta Hernández, tamaja calle mukorobuyakotai aisia eribunaja. Takore jisata jotaraotuma jekunu abanae calle autu, taitane jisababuae, toatane aidamotuma saba waraya, dauwaja aisia jisabakitane yakerayana.
Gas omi dijana waniku mojabasi.
Ama sike deltanotuma erajawitu naburubuya Trinidadyata, yakeraja sorobuae takitane. Takore tata yakera nabakanaja, dose arao, guardiatuma policíatuma tane Venezolanotuma owaya, atae tamate inatabakitane, sinakuare yana, ainataba emo abane tata kujurubuya kuare.
Kobenajoro Lizeta Hernández, Venezuela a kobenajoroida Nicolás Maduro a dibu toanae dibanoko ekuya, gasolina wabikitane aisia. Takore sanuka musabakanukida, tai Lizeta kotai a ribu ka jobaji Delta Amacuro webaya munukayana yama.
Vamos a encontrarnos en Telegram https://t.me/Tanetanaedelta