Yaja 28 julio eku dijana Venezuela kokotuka aidamoida daisa o taijese oate tai, takore yatu, mawaraotuma yakeraja torikitane ja máquina aray. Ji obonobu, ama ji aobonona yakera mitane.
Jotaraotuma 13 ja aidamoida tane nakakitane obonoyaja, takore jisakawitu toatane nakate: tatuka ja: Edmundo González, Nicolás Maduro, Benjamín Rausseo, Luis Eduardo Martínez, Javier Bertucci, José Brito, Daniel Ceballos, Antonio Ecarri, Claudio Fermín, ama, Enrique Márquez.
Edmundo González, Nicolás Maduro tane nome tatuma a nojiba amawitu taera, dekomanajakotai jotarao aribu isía dibuyajakotai, oposición, chavismo tane.
Nicolás Maduro amawitu Venezuela a aidamoida, Edmundo González jakotai anokoeku bajikitane obonoya, takore venezolanotuma a ribu abate votación eku, kokotukasike dibute.
Máquina yakera mí, sina ji saba yakera tai, yakera obonobu, tatukamo torí tanu dijana. Takore karata jisaka oanu.
