Cinco condones que pertenecen a un joven trabajador de la gobernación de Delta Amacuro están sobre una silla / Tanetanae.com.

Warao minakawitu aisiko yajinaka takotu, jebu asiraja yatu majakitía

Waraotuma janokoina ekuya nakane takore, nobara ka kawanaya idae. Tatuma nobara warayaja kotai ETS, jotarao a ribuya Enfermedades de Transmisión Sexual tiajakotai, tai nobaratuma majaya warao jisaka nobarayaja araisa isiko yajekore, araisa isiko bitakore.

Tamaja jebutuma erawitu, toatane warao enobarayajakotai kotubuyana, tai jawaneraja, damana wabaya.

Sanuka tai nobaratuma a wai noarakore ja: gonorrea, hepatitis B, herpes genital, sífilis, virus del papilloma humano tiajakotai, tatuma munuka nobara era, takore ibiji arao jotu akarata nisane, jebu naminakore, yakera, yarokota aisia bajukaya. Takore VIH/SIDA tai sike a yoroko ekida, tai warao naya uriabane.

Nobara kokotuka yarokotanaka takore jawanera, tiakuare, ori yaorokitane ja.

¿Katukane iji yori yaorote?

-Iji tida kore, nibora eraja aisiko yajinaka tanu. Ji nibora tane isaka jakunarai.

-Iji nibora kore, ji tida tane jisaka nisanu. Tidamare tuma aisiko yajinaka takotu, condon abakotu.

Oko janokoina eku nakane, kokotukaya naminakitane ja, yakera jakitane.

Compartir contenido

Vamos a encontrarnos en Telegram https://t.me/Tanetanaedelta