Foto cortesía: Folha.

Warao jorosimo coronavirus Brasilyata majanae / #TanetanaeIsikoDejeMía

Jorosimojakotai  waniku manamo ja.

Jorosimo aisía tai jebuida coronavirus ja dijana. Majanae Brasilyata, toatane dibunae tai periódico a wai Folha, Brasilyatamo.

Coronavirus aisíajakotai, Mariusa yatamo, Delta Amacuro arao. Ebe, 2017 eku tatuma kokotuka tata naburuae, amawitu Manaus yata jatubuya.

Tai, Secretaría Municipal de Asistencia Social dibunae, tamaja jorosimojakotai asía obo majanae. Awajabara tamatuma kokotuka janokoina daisa jatubuae, tatukamo, jotaraotuma asía dibunae, janoko daisa narukí, ama aubanoko daisa ja dijana.

Tatuma kokotukabane 153 jatubuya. Amawitu deta sanuka jayama, sinakuareyana, tai coronavirus isía. Waraotuma deje jakaya taisía, kaisía jayanara dijana, tubuya. Tai Secretría Municipal de Asistencia Social dakate toatane dibuya. Takore mate wakakitane ja. Tatuma a jotu kokotuka mite, tatukamo mitetai.

Compartir contenido

Vamos a encontrarnos en Telegram https://t.me/Tanetanaedelta