Una canoa con dos waraos en Guayo/ Imagen de referencia, Tanetanae.com.

Refresco jobinakatakotu, tai yatu nate, nomewitu

Warao erajawitu refresco jobía, tamaja are ebeyatamo, takore oko naminakitane ja dijana, tai refrescotuma warao a nobara abaya.

Oko janokoina eku ubayajakotai ayanawitu, takore bajukatane, ote ka janokoina yata dijana “freco” yaronaja, wabinokotuma ekorubuae kuare, crisis aobona.

Tiame ma warao, yatu saba dibuya: tai monidatanewitu refresco jobikore yatu nobarate, yatu wabane jawanera.

¿Nobara sina majaya?

– Yaja kokotukaya “freco” jobikore ka kobewitu nobaraya.
– Jebuida cáncer arakate yatu a obono eku majaya, tamaja nobara warao naya.
– Yatu aí ekoraya, koibuya.
– Yatu a tejo a muju botoboteraja nakaya.
– Jebuida diabetes yatu majaya, tamaja nobara arakate warao naya.

Tiakuare mawarao, yatu najorokitane takore refresco nisanakatane, dau a kuaja nisakotu, sinatai wariaba a jó, nana a jó, parchita a jó, tai sike yakera. Refresco jobikotu, takore jisamotane.

Compartir contenido

Vamos a encontrarnos en Telegram https://t.me/Tanetanaedelta