Una familia de indígenas warao está en la orilla del caño Manamo en Tucupita / Tanetanae.com.

Nobotomotuma yakera yaorokitane ja, boisi omi jakunarai

Jotaraotuma are denokobuya, sina kuare waraotuma a nobotomo boisi ejoboya, tai obojonamoyana, takore kokotukayana, tiakuaresike, iji, tamaja karata miajakotai, deje tama daisa warakitane ja. Kokotuka yakerajakitane. Waraotuma amawitu janokoina ja, tatuka jebu era ja, tiakuaresike, oi.

Waraotuma a culturajakotai tai yana. Waraotuma a nobotomotuma yakera yaorokitane ja. Katukaneyana: are inakokitane ja jabon isiko, aisia boisi jakore, yakera jarakitane ja. A jiakatuma erayanarone, jarakitane ja. Toatane nobotomotuma boisi omi jaturu. Ka janoko barrakarone, amaja cemento, sina tai, takore oko ka nobotomotuma yaorokitane ja, ka burata ekidarone, sanerarone, oko ka nobotomotuma inakokitane ja, nobaranaka tamiaro. Amawitu ama oko a lo cañoyata ubanaja dijana. Tata jotaraotuma a jebu ekida, takore ama oko janokoina eku ja dijana, jotaraotuma isiko a were ubaya.

Iji, tamaja karata mijakotai, daisa a dibunokoina ekidajakotai, aisía dibukitaneja. Kokotuka naminakitane. Dijana.

Compartir contenido

Vamos a encontrarnos en Telegram https://t.me/Tanetanaedelta