Waraotuma nabasanukayatamo, ama, janokoina daisa tane, monikata abanae tatauma a cédula nisanaka tanaekuare. Tiakuare tautuma aribu kuana abanae facebook eku.
Tatuma dibuyajakotai, sinakuare obojonamo ka isia waranae, «tatuma tamate naowae ka cédula nisakitane, takore ama dubujiraja narubuae», toatane jisaka dibunae, facebook eku. Iji miae tai.
Tamaja isía, aidamotuma dijana sanuka waranae. Tatuma dibuyajakotai, jotarao jisaka, tatuma a yaotayaba, wabayaja tanae. Tiakuaresike Tucupitayata dubujira konaruaeyama. Tai dijana.
Todas las interpretaciones al warao de Tane tanae son hechas por waraos de la zona de Araguaimujo.
Anuncios
Visitas: 2043