Waraotuma erajawitu inasebe yata naburubuae, jotaraotuma kabana ubabuya, tai asirayana, yakera, takore tomana jakanakatane sorobuae takí. Ama, jebu omi arakate.
Jotarotuma dibubuyajakotai, sinakuare waraotuma «cochino» munuka, joboto eku baribaría. Tatuma dibuya, waraotuma a janoko eku kaboto erawitu rone, eku sorobuae tíayama, takore dijana tuatanaka takitaneja.
Waraotuma kokotuka «cochino» munukayana, adamana a janoko berea yaja kokotuka, daisatuma yaja manamo manamo tane a janoko berea, tuatane arakate yakera jese. Takore berenatá takore, asira.
Ka janoko ekumo kaboto nisanaka takore, jebu eraja nabakaya, tuatane sori yejebuya, abunanoko naobuya, eraja abane. Amarakate, tomana oko jakaya ka janoko eku anana minakaya tebé takore.
Iji tamaja jabata mijakotai, niborarone, ji janoko berenu, anana nisau, kaboto inaburunaka ji janoko autu, ji ubanoko yakera sabuka mimiaro, tomanerae.
Vamos a encontrarnos en Telegram https://t.me/Tanetanaedelta