Varios autos están a las afueras de una estación de servicio en el malecón de Tucupita / Tanetanae.com.

Guardiatuma aidamo: motor atoi sanukawitu ja

Ka jobaji Delta Amacuro a kobenajoro, Lizeta Hernández are dibuya, tai gasolina a moni erijisanajayama.

Ama Euclides Brito tai, guardiatuma Zona de Defensa Integral aidamo, waranae dibanoko ekuya, gasolina ekidajakotai are jese, ayanawitu nakaya.

Motor atoi sanukawitu nabakaya, tiakuare kokotuka aisia wabikomoni. Najoro konayajakotai, ibiji konayajakotai, ama ibiji a rotutuma konarukitane saba witu, sanuka iabayayama.

Tai aidamo Euclides Brito sanau tanaeyama, kokotukaya a moni kuarika nakaya kuare, tai sike inasebe Estados Unidos aobononayama, takore dubujida yakera nakateyama.

Compartir contenido

Vamos a encontrarnos en Telegram https://t.me/Tanetanaedelta